सञ्चार सम्बन्धी कार्य (चिठीपत्र, पार्शल लगायत वस्तुहरु) साथै हुलाक वस्तुहरु आदान प्रदान गर्नका लागि वि.सं. १९६७ सालमा छोटी हुलाक स्थापना भई वि.सं. २०३१ सालमा जिल्ला हुलाक कार्यालयको नामबाट स्थापना भएको कार्यालय हो ।

ओखलढुंगा जिल्लामा संघीय संरचना बमोजिम १ नगरपालिका र ७ गाउँपालिका गरि जम्मा ८ वटा स्थानीय तह रहेका छन्।यहाँ जम्मा हाल १ जिल्ला हुलाक कार्यालय, ७ वटा पालिका हुलाक कार्यालय, १ वटा हुलाक काउण्टर र ३३ वटा अतिरिक्त हुलाक कार्यालयहरु रहेका छन् ।जिल्ला हुलाक कार्यालय, ओखलढुंगा सिद्धिचरण नगरपालिका वडा नं. १२ मा रहेको छ।

जिल्ला हुलाक कार्यालयबाट प्रदान गरिने सेवाहरु निम्न बमोजिम रहेका छन् -

• हुलाक वस्तुको आदानप्रदान (डाँक आदान प्रदान),
• हुलाक टिकट बिक्री,
• हुलाक वस्तुको दर्ता तथा वितरण सम्बन्धी सम्पुर्ण सेवाहरु,
• हुलाक अपराध छानबिन तथा अनुसन्धान,
• पत्र पत्रिका दर्ता तथा नविकरण,
• एफ.एम.रेडियोहरुको अनुगमन तथा नविकरण।